Омаж за Криста Волф - феминистичка деконструкција и реконструкција на митот за Касандра
HOMMAGE TO CHRISTA WOLF - A FEMINIST DECONSTRUCTION AND RECONSTRUCTION OF THE CASSANDRA MYTH

Summary/Abstract: Како своевиден омаж за неодамна починатата германска писателка Криста Волф, во оваа статија се расветлуваат најзначајните координати кои ја одредуваат поетиката на Криста Волф, пред сè мотивираноста и импликациите за нејзиниот развој и пресврт од идеологијата на марксизмот до феминизмот, односно нејзината транзиција од „државна писателка на ГДР“ до „лојална дисидентка“ и заговорничка на демократскиот социјализам во повоената германска историја, во периодот по обединувањето на двата дела на Германија. Николовска во овој труд објаснува зошто во своето подоцнежно творештво Криста Волф се навраќа на античката граѓа за Касандра. Преку феминистичка деконструкција на митолошката матрица, Волф сака да се ослободи од митот за жената онака како што тој е толкуван од мажите, во кој жените секогаш биле жртвите, а последиците од тоа биле војни, несреќи и човечко страдање. Во машкото толкување на митот за жената, Волф всушност согледува пресликување на „потсвесниот страв на мажите од заканите на мајката“ и ја нуди женската перспектива во која се вткаени отпорот и утопистичката идеја за еднаквост и слобода.

• Details
• Contents