Pasqyrimi poetik i zbukurimit në ceremonial të dasmes
Poetical reflection of the ornamentation in the wedding ceremonial

Summary/Abstract: Krahina e Devollit të Sipërm, e shtrirë gjatë shpatit lindor të vargmalit të Moravës, ndryshon deri diku nga fshatrat e Devollit të Poshtëm në disa aspekte të kulturës materiale dhe shpirtërore, megjithëse përbërëset më të përgjithshme kulturore të kësaj krahine vendosen në një areal më të gjerë të Shqipërisë Juglindore dhe Jugore, me popullsi të ish-besimit të krishterë (ortodoks) duke filluar nga rrethi i Korçës, Kolonjës, Përmetit e deri në Gjirokastër e Sarandë. Gjatë një periudhe që ngjitet deri në gjysmën e dytë të shek. XIX dhe që shkon deri në vitet ’30 të shek. XX, me rritjen e vrullshme të lëvizjes kombëtare dhe në një kohë kur lindin, zhvillohen e fillojnë të konsolidohen elementet kapitaliste në vendin tonë, kultura e kësaj zone të gjerë fiton një pamje gjithnjë e më të afërt me tiparet kulturore qytetare.

• Details
• Contents