LEGATI I MUSLIM MULLIQIT
LEGATI I MUSLIM MULLIQIT

Summary/Abstract: Kjo ekspozitë e vizatimeve të Muslim Mulliqit është një përpjekje e ri-reflektimit dhe riaktualizimit të bardit të arteve pamore të Kosovës. Për këtë ri-aktualizim, kuratori Erzen Shkololli ka zgjedhur një qasje që do të mund ta quanim hyrje në laborator, ose vështrim nga laboratori i një artisti të madh. Në vend të pikturave dhe veprave që janë ekspozuar dhe reprodukuar shumë herë dhe që e kanë fiksuar një bindje se veprën e këtij bardi e kemi të njohur dhe edhe tejet të afërt, udhëheqësit e Galerisë Exit në Pejë kanë vendosur që të prezantojnë një pjesë të veprave të panjohura të Mulliqit. Ekspozohen disa dhjetëra vizatime, studime dhe skica për tablotë e mëdha pikturale. Këto punë janë nga periudhat e ndryshme të krijimtarisë së Mulliqit, prej atyre më të hershme, kur ka qenë nxënës ose student i artit, deri ato të fazave më të vonshme. Shumica e punëve nuk ka shënime për kohën kur janë realizuar, ndonëse nuk është problem bërja e një kronologjie në bazë të cikleve dhe stileve tashmë të njohura të mjeshtrit.

• Details
• Contents