Çështje të gjuhës së epikës legjendare heroike sidomos në sintaksë
Problems of the language of the heroic legendary epic specially in syntax

Summary/Abstract: Gjuha si mjet i shprehjes, në përgjithësi, po ashtu i realizimit të vlerave artistike të një krijimi letrar, përbën një objekt të rëndësishëm të studimit të letërsisë popullore. Gjuha e folklorit intereson si folkloristin, si gjuhëtarin, si teoricienin e letërsisë. Ajo formon një nënsistem në gjuhën e një populli, zë një vend të veçantë në të, duke qenë pjesë e saj, po me veçoritë e veta. Ky vend i veçantë lidhet me faktin se gjuha e folklorit pasqyron në mënyrë më të drejtpërdrejtë, më besnikërisht gjuhën e gjallë popullore, për pasojë edhe veçoritë e pasurinë e një gjuhe, po pa qenë e njëjtë, pa u identifikuar me gjuhën e folur të përditshme, pse është gjuhë pjesërisht e standardizuar, e kodifikuar në një masë ku më të madhe ku më të vogël, e përpunuar, duke qenë folklori krijimtari artistike, letërsi. Me të drejtë gjuha e poezisë popullore është quajtur si një etapë e caktuar në zhvillimin e formave gjuhësore letrare.

• Details
• Contents