TOPIKË DHE FOKUS, DY KONCEPTE “TË PANJOHURA” PËR GRAMATIKAT E SHQIPES (KODIMI I TYRE NË GJUHËN SHQIPE)
TOPIC AND FOCUS, TWO “UNKNOWN” CONCEPTS FOR ALBANIAN GRAMMAR (THEIR CODING IN THE ALBANIAN LANGUAGE)

Summary/Abstract: Qysh në Qarkun Gjuhësor të Pragës u propozua se fjalitë në një gjuhë tregojnë një artikulim informativ të përbërë nga dy pjesë, njëra më pak informuese (topika/tema) dhe tjetra më shumë informuese (fokusi/rema). Çdo tekst është i organizuar mbi këto dy nocione që quhen njësi informimi dhe ndarja e një fjalie në topikë dhe fokus e nënkupton strukturën e informacionit. Termi strukturë e informacionit, ose siç njihet ndryshe paketim i informacionit, e përshkruan mënyrën në të cilën informacioni paketohet formalisht brenda një fjalie (Lambrecht 1994). Ky term në gjuhësi u prezantua për herë të parë nga Halliday (1967), ndërsa vetë koncepti i ka rrënjët në antikitet dhe është përdorur për një numër dukurish të ndryshme. Por, në këtë punim përdormi i nocionit strukturë informacioni i referohet mënyrës se si paraqitet informacioni brenda një fjalie dhe është në kontrast me vetë informacionin që përcillet.

• Details
• Contents