IN MEMORIAM ПРОФ. ДР ЯНКО РАМАЧ (1955–2022)
IN MEMORIAM PROF. DR. JANKO RAMAČ (1955–2022)

Summary/Abstract: Дня 27. авґуста 2022. року у 67. року у транспортним нєщесцу страдал Янко Рамач, професор на Оддзелєню за русинистику Филозофского факутету Универзитету у Новим Садзе. Янко (Дюра) Рамач народзени у Руским Керестуре 22. марца 1955. року. Основна обласц його интересованя була история Руснацох у Южней Угорскей/Югославиї. Винїмково богата библиоґрафия шведочи о його континуованей науковей роботи. Тото потвердзує и факт же професор Янко Рамач и наш найцитованши професор з найвисшим индексом компетенциї. Проф. Рамач бешедовал вецей шветово язики: українски, италиянски, словацки, анґлийски, нємецки, русийски, а хасновал и класични язики –латински и старогречески. Науково роботи писал на руским, сербским и українским язику, а обявйовал и на анґлийским и словацким. Професор Рамач зоз свою роботу и особнима прикметами, з ясним и обгрунтованима науковима становисками, твардима моралнима принципами, зоз нєсебичним закладаньом и винїмкову систематичносцу у наукових виглєдованьох, хтору нашлїдзел од своїх професорох на матичним факултету, як и вельку пошвеценосцу студентом, заслужел епитет бизовного историчара нє лєм у войводянских наукових рамикох алє и ширше, у европских, та и шветових. О тим шведочи и його сотруднїцтво зоз колеґами зоз України, Польскей, Естониї, Словацкeй, Мадярскей, Румуниї, Италиї, Япону и других жемох. Дзекуюци широкому кругу познанствох, библиотеки Оддзелєня за руски язик на матичним факултету обезпечел вельке число странских публикацийох. Цалосна робота визначного слависти проф. Янка Рамача дава нєвимерлїве доприношенє факултету на хторим препровадзел лємцо нє цали роботни вик, охабя глїбоки шлїд у историоґрафиї о Руснацох и нєзаобиходна є основа за подобни виглєдованя у наведзеней обласци.Професор Янко Рамач поховани у Кисачу 30. 08. 2022. року.

• Details
• Contents