Mbi origjinën dhe motivet e këngëve legjendare boshnjake për Gjergj Elez Alinë
On the origin and motifs of legendary Bosnia songs on Giergi Elez Alia

Summary/Abstract: Në krijimtarinë epike legjendare të popujve të Ballkanit ka shpesh ngjashmëri, sidomos në motive, subjekte e figura stilistike. Këto dukuri të përbashkëta në epikën ballkanase janë rrjedhojë e atyre kushteve e rrethanave historike që u krijuan për këta popuj pas shekujve V-VII të e.r. kur ndodhën dyndjet e mëdha. Edhe midis një pjese të epikës legjendare shqiptare dhe asaj boshnjake, të njohur me termin «epika myslimane», ka analogji në subjekte, heronj e figura. Kështu, përveç motivesh me Mujin e Halilin që gjenden në epikat shqiptare e boshnjake, janë edhe këngët legjendare me hero të përbashkët Gjergj Elez Alinë, të cilat ndryshojnë kryekëput njera nga tjetra në tema, ide, forma dhe në tërë organizimin poetik.

• Details
• Contents