Arkeologjia dhe gjeneza e shqiptarëve
Archeology and the genesis of the Albanians

Summary/Abstract: Me shikimin në retrospektivë arkeologjia shqiptare ka pasur si detyrë të saj të parë njohjen e historisë së popullit shqiptar, sqarimin e disa prej çështjeve më të rëndësishme të origjinës dhe ekzistencës së tij. Problemi i gjenezës zë këtu një vend qëndror, sepse përcakton tërë linjën e historisë dhe të traditës kulturore të popullit. Por populli, i marrë si njësi e vetme, ka gjatë mijëvjeçarëve të vet vetinë dionixiake të rilindjes përmes dialektikës së transformimit të unitetit të tij gjatë kalimeve nga një rend ekonomik-shoqëror në një tjetër. Në ngjizjen e etnosit ilir nga formacionet e popullsive neolitike, pastaj të kombësisë së hershme mesjetare dhe, së fundi, të kombit shqiptar, dy momentet e para kanë mbetur të pandriçuar nga dokumentet e historisë: etnogjeneza, për faktin e thjeshtë ise është zhvilluar para se të dilnin këto burime, ndërsa gjeneza e kombësisë shqiptare, sepse u krye në shekujt e mesjetës së hershme.

• Details
• Contents