SHTRESËZIME PARATEKSTORE DHE KUPTIMORE NË RRËFIMIN
Pretext and semantic stratification in the story "The troubles of sin are big" by Mitrush Kuteli

Summary/Abstract: Rrëfimi E madhe është gjëma e mëkatit, shkruar nga Mitrush Kuteli në vitin 1947, kohë shumë e vështirë për autorin, shquhet si një prej krijimeve më përfaqësuese të tij. Në kontekstin e periudhës kur është shkruar, mund të themi pa mëdyshje se Kuteli ka patur vetëdijen e plotë që po nxirrte duarsh një tekst të destinuar për në sirtar. Gjithsesi, s’mund ta dimë në e kishte parashikuar që lexuesi do ta kishte në duar aq vonë, vetëm pas disa dhjetëvjeçarësh. Arrestimi në vitin 1947 me motivacionin “armik i popullit”, u pasua me “humbjen”, a zhdukjen, e veprës letrare që kishte në shtyp. Nga përmbledhja me tregime e novela Dashuria e barbarit Artan, u shtypën vetëm disa tregime dhe “humbi” tërë novela kryesore “Dashuria e barbarit Artan për të bukurën Galatea”, “humbi” gjysma e novelës tjetër “Sbulesa e dytë e Pjetër Kulirës nga Liqerasi”, “humbi” një roman që u kushtohej të burgosurve të kampit të Prishtinës, së bashku me dramën Ura, me motive nga legjenda e murimit dhe, ndofta, falë një rastësie fatlume shpëtoi E madhe është gjëma e mëkatit...

• Details
• Contents