Mjezynarodna konferenca „WĚDU ŠĚRIĆ | WISSEN SCHAFFEN | WĚDU ŠYRIŚ. Maćica Serbska 175 lět | 175 Jahre“. Budyšin, 25./26.11.2022
International conference "WĚDU ŠĚRIĆ | WISSEN SCHAFFEN | WĚDU ŠYRIŚ. Maćica Serbska 175 years | 175 years". Budyšin, 25/26.11.2022
Author(s): Theresa Jacobsowa, Ines Kellerowa, Anja PohončowaSubject(s): Cultural history, Political history, Social history, Other Language Literature, Conference Report, Ethnic Minorities Studies
Published by: Domowina-Verlag GmbH / Ludowe nakładnistwo Domowina
Keywords: Maćica Serbska; conference report; Sorbian studies; Sorbian language; Sorbian culture; cultural heritage; minority language preservation; Sorbian identity; linguistic research; cultural organizations; post-socialist transformation;
Summary/Abstract: Maćica Serbska, załožena 1847 w Budyšinje, je najstarše serbske towarstwo. Wone spěchuje wědomostnu zaběru ze stawiznami, rěču a kulturu serbskeho ludu, stara so wo nałožowanje serbskeje wědomosće w narodnym dźěle a zasadźuje so za zachowanje serbskeje rěče a kultury. Na jubilejnej konferency 25./26. nowembra 2022 wěnowaše so składnostnje 175. róčnicy jeje załoženja 15 referentkow a referentow wosebje wožiwjenju a skutkowanju towarstwa po politiskim přewróće 1989/90. W lěće 1937 wot nacionalsocialistow zakazana, nawjaza Maćica Serbska po wójnje na swoje dźěło, zhubi pak znowa samostatnosć a podrjadowa so 1949 Domowinje, prjedy hač so 1991 na iniciatiwu jednotliwych aktiwistkow a aktiwistow wožiwi. Na žurli Serbskeho domu w Budyšinje zahaji hłowna organizatorka, předsydka Maćicy Serbskeje a zdobom rěčespytnica w Serbskim instituće w Budyšinje, dr. Anja Pohončowa, konferencu pokazujo na to, zo su wšitcy referenća čłonojo towarstwa. Mnozy z nich skutkuja aktiwnje w sekcijach. Jednotliwi referenća resp. hosćo běchu zdobom časowi swědkojo, kotřiž skutkuja zdźěla do dźensnišeho w Maćicy Serbskej / Maśicy Serbskej. Wosebitosć konferency bě, zo wotmě so cyłkowny program jeničce w hornjo- a delnjoserbšćinje. Jako kooperaciski partner za organizaciju a přewjedźenje zarjadowanja wustupowaše Serbski institut. Załožba za serbski lud konferencu financielnje podpěrowaše.
- Issue Year: 2023
- Issue No: 1
- Page Range: 163-165
- Page Count: 3
- Language: Sorbian languages
