Multikulturalizmi në Ballkan
Multiculturalism in the Balkans

Summary/Abstract: Ballkani përfaqëson një rajon tepër të komplikuar në të gjitha drejtimet. Historia u ka përcjellë brezave të tij të tanishëm probleme mjaft të ngatërruara, të cilat në shumicën e tyre e kanë burimin në mozaikun e kombeve, etnive dhe minoriteteve që ekzistojnë aty. Ekzistenca e kësaj larmie, që diku më shumë dhe diku më pak është e pranishme në çdo vënd ballkanik, nuk mund të jetë shkaku i parë i kullës babilonase të Ballkanit, pasi ka rajone e vende të tjera në Evropë e në botë që kanë ngjyrime etnike të ndryshme, por që janë shëmbull i harmonisë dhe i bashkëjetesës ndëretnike. Për rrjedhojë duhet pranuar se ekzistojnë faktorë të tjerë përcaktues që e kanë çuar Ballkanin të përjetësohet në fjalorët politikë e diplomatikë me termin “ballkanizim”. Ky term i mbështetur në përvojën negative të shekullit tonë nënkupton situata gjeopolitike të komplikuara dhe të rrezikshme të shkaktuara nga pretendimet territoriale të shteteve të vogla e të shumta të Ballkanit, aleatë të disa Fuqive të Mëdha rivale që qëndrojnë prapa tyre, të cilat mund të arrijnë në një konfrontim të përmasave të mëdha midis tyre nga zgjerimi i konflikteve lokale1.

• Details
• Contents