Bora pesmoznanec kaj jučer v future premeča i obratno
Bora pesmoznanec kaj jučer v future premeča i obratno

Summary/Abstract: Veli jen veleučeni pismoznanec, kak je jezik na kojem se popeva ili piše metajezični znak. Ak je tome tak, a meni zgledi da je, onda se pitati morem kak je to Borivoje Radaković Bora zel kajkavskega da mu bu neki znak. Moremo si probati tega tumačiti z jenim svima znanim faktom: Bora odrasel v Zagrebu gde je, štel on to ili ne, kajkavskega slušati moral. I ne sam to, neg ga je koji put morti i moral reči, ak ništ drugo, vu Trnju mu je moralo črez gubec zleteti: „kaj». Zletelo mu je sigurno gda mu se najmanj nadal, kak nesvesni Freudov efekt. I Borivoje ne bi bil pesmoznanec Bora, da vrnul se ne bi tom zletuvanju z pitanjem, jednakim onome kaj su ga neki negdar znali čuti na Mudroslovoj školi: Kak je to moguče? Jer zna saki kaj se pisanja popevki primil da jezik subjekta dela, lirskoga sigurno, a bormeš i onog nelirskoga, jer ono si kaj ti jezik da reči. I morti si još više ono kaj ti jezik ne da reči. Jer ono kaj se reči nemre, to je ono kaj teksta dela. Gda se primiš teksta vu njega stalno nekaj deneš, nekaj zmišliš, nekaj vidiš kaj nišče drugi vu njemu videti ne more. Morti bi mogli reči, ak tak o tome mislimo, da teksta ni, da je ostal samo onaj šteri čita, kajti on sam, vu sobi, ali ti pod kakvim drevom dopisuje teksta pred sobom i stalno nekšu drugu priču čita. Al bez da je nekaj pred njim opet tega zmišljuvanja i tih slika ne bi bilo. Tak ono kaj dobiješ gda nekaj sprečitaš ono je kaj se dogodi med trima stranami. Z jedne je ono kaj je napisano, z druge je ono kaj si ti toga časa je, a z tretje strane dojde vreme i mesto na kojemu si z tekstom. I se se to meša skup kak napitek vu kotlu bahornice. Napitek črni kaj interpretacija se zove. I na koncu konca, kaj dobiš gda z tega interpretacijskega kotla spiješ gut, meglu meglenu i križni put?

• Details
• Contents